París 365 jantoki solidarioak artatzen dituen pertsonen %48k ez du etxebizitzarik eta %40k ez du aukerarik bere kabuz dutxatzeko edo arropa garbitzeko. Joera ez da soilik errepikatzen, baizik eta indartu egiten da.
Pandemiaren ondoren ohartarazten ari gara menu gehiago zerbitzatzeak ez duela esan nahi pertsona gehiago artatzen ditugunik. 2024an 60 plaza mantendu genituen jantokian eta aurreko urtean bezala, gosari, bazkari eta afari kopuru ia berdina zerbitzatu genuen. Hala ere, 168 pertsona artatu genituen, %7 gutxiago.
Biltegian, adingabeak dituzten familiak joaten diren lekuan, argazkia are adierazgarriagoa da: 60 plaza berdinak, banatutako saski kopuru bera, baina %32 pertsona gutxiago artatuta, 479. Dena dela, badirudi 2025eko itxierak balantza hori oraindik gehiago desorekatuko duela.
París 365 bere zerbitzuaren duintasunarekin konprometitutako erakundea da. Hau da, ez dugu egonaldi-mugarik ezartzen gure erabiltzaileentzat. Pertsona eta familia bakoitzaren egoerak ezartzen ditu epeak. Bitartean, beti edukiko dute París elikadura eta janzkerai duina bermatzeko, baina baita bizitza independenterako bidean laguntzeko ere.
Hala ere, pobrezia estrukturalak gero eta zailago jartzen digu. Gaur egungo Atzerritartasun Legeak bazterketa egoerak sortzen jarraitzen du, eta horren ondorioz, jende askok ezin du lan duina lortu, etxebizitza egonkorrik izan edo oinarrizko babes sozialeko zerbitzurik eskuratu. Arau horrek pertsona asko zokoratzen ditu legezko eta sozialki zehaztu gabeko egoeran, prekarietatera kondenatuz eta gure gisako larrialdi-baliabideen menpe bizitzera behartuz.
Horregatik, ezinbestekoa da eskubideetan oinarritutako migrazio-politika exijitzen jarraitzea, jatorria edo egoera administratiboa edozein dela ere, pertsona guztien duintasuna eta eskubideak aitortuko dituena.
Oraingoan, prentsaurreko hau egiteko aukeratu dugun espazioa ez da jantokia izan, sarrerako txokoa baizik. Arrazoia azaltzeko atzera bota behar dugu begirada. Aurtengo otsailetik apirilera bitartean, París 365eko aurrez-aurreko afariak eteten genituen bizikidetza-arazoak zirela eta. Gatazka horiei irtenbidea bilatzeak eta prebenitzeak gure sustrai komunitarioak sendotu ditu.
Auzolanaren bidez eta Matalazekin elkarlanean berritu den txoko hau lanketa horren ondorioa da. Erabiltzaile eta auzokideen parte-hartzearekin, berdintasunez. Beste hainbat konturen artean, iraganean hormaren ondoan jarritako mahaiak eta aulkiak zeuden lekuan, orain mahai handi bat dago, inguruan bankuak dituena.
Aldaketa xume hauek oso garrantzitsuak dira París 365entzat. Esker modura, fanzine bat argitaratuko dugu, Muxu Sorkuntza Estudioaren diseinu ederraren eskutik. Gure inguruan banatuko dugu, komunitateak guri emandakoa guk berari itzultzeko.
Auzodefentsa kontzeptuaren pean —autodefentsa eta auzo uztartzen dituen ideia— París 365eko komunitatearen kontakizun labur bat eta hiru elkarrizketa bikoitza bildu ditugu, diskurtso zatitzaileen aurrean batasuna irudikatzeko.
Esperientzia komunitario positibo honek irtenbide bat planteatzen digu 2020tik bereziki kezkatzen gaituen zerbaiti dagokionez: gure masa soziala eta horrek ekartzen dizkigun diru-sarrerak mantentzen ditugun arren, kontsumo-produktuen eta energiaren garestitzea nabarmen handitu da azken bost urteotan, KPIak %19 egin baitu gora.
Ezin diegu gure kostu guztiei aurre egin lehen genuen aurrekontu berarekin, nahiz eta laguntza ezin hobea jasotzen dugun partikularren edo entitateen eskutik: Panadería Arrasate, Paz de Ziganda Ikastola, Jesuitas Ikastetxea, Elikagaien Bankua, Ziordi Running Taldea, Arlegui Anaiak Arrandegia, NUP, Huertas Amigas, Irrintzi Taldea eta memorian aurki daitezkeen beste hainbeste.
Horregatik, abenduaren 10etik aurrera kanpaina bat abiatuko dugu, kuota libreko 365 bazkide berri lortzea izango duena helburu. Azken xedea behar duen orori elikadura eta jantzi duina urteko 365 egunetan bermatzen jarraitzea da.
Eskerrik asko hau posible egiten duzuen boluntario, emaile, bazkide eta laguntzaile guztiei.
